काठमाडौँ– प्रधानमन्त्री पुष्पकमल दाहाल प्रचण्ड चीन भ्रमणको तयारीमा जुटेका छन् ।

उनी केही सातापछि उत्तरी छिमेकी चीनको भ्रमणमा जान लागेको र अहिले त्यसको तयारी भइरहेको बताइएको छ ।

यसको जानकारी परराष्ट्रमन्त्री एनपी साउद दिएका हुन् । प्रेस युनियन कैलालीको आज अधिवेशन उद्घाटन गर्ने कार्यक्रममा उनले दिएको जानकारीअनुसार प्रधानमन्त्री प्रचण्ड आगामी सेप्टेम्बरमा चीन भ्रमणमा जान लागेका छन् ।

गत पुसमा तेस्रो पटक प्रधानमन्त्री बनेपछि पहिलो विदेश भ्रमणका रूपमा गत जेठमा प्रचण्ड भारत गएका थिए ।