काठमाडौँ– सत्तारुढ दल नेपाली कांग्रेस केन्द्रीय समितिको बैठक बोलाएको छ । असार २७ गते केन्द्रीय कार्यालय सानेपामा बस्नेगरी कांग्रेसले केन्द्रीय समिति बैठक बोलाइएको हो ।
शीर्ष नेताहरूको छलफलपछि बैठक बोलाइएको एक पदाधिकारीले जानकारी दिए ।
केन्द्रीय कार्यसमितिको बैठक प्रत्येक दुई महिनामा कम्तीमा एक पटक बस्ने कांग्रेसको विधानमा उल्लेख छ ।
यद्यपि, झण्डै एक वर्षदेखि कांग्रेसको केन्द्रीय समिति बैठक बसेको छैन बरु सभापति शेरबहादुर देउवाले केन्द्रीय समितिको सट्टा केन्द्रीय कार्यसम्पादन समिति बैठक बोलाउँदै आएका छन् ।
केन्द्रीय सदस्यहरूको गुनासोपछि सभापति देउवाले बैठक बोलाएका हुन् ।
प्रकाशित मिति: बुधबार, असार २०, २०८० १४:०५
प्रतिक्रिया दिनुहोस्
