काठमाडौँ– आफूले मन्त्री बनेपछि राम्रो मात्रै काम गरेको दाबी गरिरहेका संस्कृति पर्यटन तथा नागरिक उड्डयन मन्त्री सुदन किरातीले नागरिक उड्डयन प्राधिकरण (क्यान) का महानिर्देशकमाथि गरेको व्यवहार भने शंकास्पद देखिएको छ ।

मन्त्री किरातीले महानिर्देशक प्रदीप अधिकारीलाई मागेको स्पष्टीकरण सामाजिक संजालमा छरपष्ट भएको छ । तर, गत बुधबार (हिजो) मन्त्री किराती र महानिर्देशक अधिकारीबीचको भेटघाटलाई भने मन्त्रीकै निर्देशकमा गुपचुप राखिएको छ ।

मन्त्री किराती र महानिर्देशक अधिकारीबीच बुधबार मन्त्रालयमै  गोप्य वार्ता भएको थियो । बुधबार साँझ आधा घण्टासम्म भएको भेटघाटमा उनीहरुबीच के कुराकानी भयो भन्ने विषय भने बाहिर आइसकेको छैन । तथापि, मन्त्रीले सोधेको स्पष्टिकरण र अधिकारीले नदिएको जवाफ सम्बन्धि नै छलफल भएको हो भन्ने अनुमान गरिएको छ ।

मन्त्री किरातीले महानिर्देशक अधिकारीलाई गत असार ११ गते ९ बुदे प्रश्न  सोधेका थिए । ७ दिनको समय राखि सोधिएको प्रश्नको जवाफ नआएपछि  असार २० गतेको मन्त्रिस्तरीय निर्णय भन्दै अर्काे स्पष्टिकरण सोधिएको छ । दोस्रो स्पष्टिकरणको लागि ३ दिनको म्याद दिइएको छ ।