काठमाडौँ– प्रधानमन्त्री पुष्पकमल दाहाल प्रचण्डको अभिव्यक्तिलाई लिएर प्रमुख प्रतिपक्षी दल नेकपा (एमाले) आज पनि राष्ट्रियसभाको बैठक अवरुद्ध गरेको छ । दिउँसो १ बजे बैठक सुरु हुनेवित्तिकै एमाले सांसदहरूले सिटबाट उठेर विरोध जनाएका थिए ।
प्रधानमन्त्रीले मुलुकको सार्वभौमिकता र स्वाधीनताविरुद्ध अभिव्यक्ति दिएकाले राजीनामा नदिएसम्म सदन चल्न नदिने उनीहरूले बताए ।
प्रधानमन्त्री प्रचण्डले गत सोमबार भारतीय व्यापारी प्रितम सिंहको पुस्तक विमोचनका क्रममा उनी आफूलाई प्रधानमन्त्री बनाउन पटक–पटक दिल्ली गएको अभिव्यक्ति दिएका थिए ।
प्रधानमन्त्रीको यसै अभिव्यक्तिलाई लिएर एमालेले बुधबार पनि प्रतिनिधिसभा र राष्ट्रियसभा दुबै सदन अवरुद्ध गरेको थियो ।
प्रकाशित मिति: बिहीबार, असार २१, २०८० १३:४४
प्रतिक्रिया दिनुहोस्
