काठमाडौँ– जिम्बावेमा भएको आइसिसी विश्वकप छनोट खेलेर नेपाली राष्ट्रिय क्रिकेट टोली आज स्वदेश फर्किएको छ ।

    प्रतियोगितामा नेपाल समूह चरणमा जिम्वाबे, वेस्ट इन्डिज र नेदरल्यान्डससँग पराजित भएको थियो भने अमेरिकालाई पराजित गरेको थियो ।

    प्ले अफ खेलमा नेपालले युएईलाई हराएको थियो । नेपाल आयरल्यान्डसँग पराजित हुँदै आठौँ स्थानमा प्रतियोगिता टुङ्ग्याएको थियो । विश्वकप छनोटमा विभिन्न १० टोली सहभागी थिए ।

नेपाली टोलीलाई नेपाल क्रिकेट सङ्घ (क्यान)का पदाधिकारीले त्रिभुवन अन्तर्राष्ट्रिय विमानस्थलमा स्वागत गरेका थिए ।