मनाङ एयरको हेलिकोप्टर सोलुमा दुर्घटनाग्रस्त अवस्थामा भेटियो
काठमाडौँ– लुक्लाबाट काठमाडौँका लागि उडेको मनाङ एयरको हेलिकोप्टर सोलुखुम्बुमा दुर्घटनाग्रस्त अवस्थामा भेटिएको छ ।
सो हेलिकोप्टर सोलुको लिखुपिके गाउँपालिका र सोलु दूधकुण्ड नगरपालिकाको बीचमा पर्ने लामाजुरा डाँडामा दुर्घटनाग्रस्त अवस्थामा भेटिएको सोलु दूधकुण्ड नपा २ का वडाध्यक्ष ङवाङ ठिले शेर्पाले सिएन नेपाललाई जानकारी दिए । दुर्घटना भएको क्षेत्र सोही वडामा पर्छ ।
‘लामाजुरा डाँडामा दुर्घटनामा परेको जानकारी प्राप्त भएको । त्यसतर्फ प्रहरी टोली गइरहेको छ,’ वडाध्यक्ष शेर्पाले भने ।
यद्यपि, सोलु दूधकुण्डका नगर प्रमुख नाम्गेल जाङ्गु शेर्पा भने लिखुपिके गाउँपालिका वडा नम्बर ५ दुर्घटनाग्रस्त अवस्थामा भेटिएको बताउँछन् ।
त्रिभुवन विमास्थल स्रोतका अनुसार उक्त हेलिकोप्टर आज बिहान १० बजे लुक्लाबाट काठमाडौँ उडेको थियो । तर, सवा १० बजे सम्पर्कविहीन भएको थियो ।
उक्त हेलिकप्टरमा पाइटलसहित ६ जना यात्रु छन् ।
मनाङ एयरका अनुसार ९एनए–एमभी कलसाइन भएको हेलिकोेप्टर दुर्घटनामा परेको हो ।
सरकारसँग थप सल्लाहसहित भरेसम्म शिक्षकहरूलाई फाइनल अपिल गर्ने परीक्षा बोर्डको निर्णय
आमाले विष खुवाउँदा तीन छोराछोरीको मृत्यु
थाक्रे गाउँपालिकाका जनप्रतिनिधि र कर्मचारीले छोराछोरी सामुदायिक विद्यालयमै पढाउनुपर्ने
सुक्खा पहिरो खस्दा दाउन्नेमा यातायात सेवा अवरुद्ध
निजामती कर्मचारी खटाएर परीक्षा लिएमा शिक्षकहरुले कापी परीक्षण पनि नगर्ने
साउदीको भ्रमणमा गए भारतीय प्रधानमन्त्री मोदी
