काठमाडौँ– आफ्ना पार्टी अध्यक्ष तथा प्रधानमन्त्री पुष्पकमल दाहाल प्रचण्डकी पत्नी सीता दाहालको निधनप्रति नेकपा (माओवादी केन्द्र)द्वारा शोक व्यक्त गरेको छ ।

पार्टीका महासचिव देव गुरुङले आज एक विज्ञप्ति जारी गर्दै कमरेड सीताकोको निधनबाट पार्टी, जनता र राष्ट्रका लागि अपुरणीय क्षति भएको जनाएका छन् ।

‘उहाँले नेपालको कम्युनिस्ट आन्दोलनमा अत्यन्त महत्वपूर्ण र अविस्मरणीय योगदान पु¥याउनुभएको छ । सिद्धान्तप्रतिको निष्ठा, उन्नत राजनीतिक चेतना, पार्टी, जनता र राष्ट्रप्रतिको निःस्वार्थ एवम् असिमीत समपर्ण उहाँका विशेषता हुन् । उहाँ आफ्ना योगदानमार्फत् चीरकालसम्म स्मरणीय र भावी पुस्ताका लागि प्रेरणाको स्रोत रहनु हुनेछ,’ विज्ञप्तिमा भनिएको छ । 

सीताले देश र जनताको मुक्ति एवं परिवर्तनका निम्ति खेलेकोे योगदानको उच्च सम्मान गर्दै पार्टीको तर्फबाट भावपूर्ण श्रद्धाञ्जली अर्पण गरेको महासचिव गुरुङले जनाएका छन् ।

सीता माओवादी केन्द्रकी सल्लाहकार थिइन् ।