काठमाडौँ– आज निधन भएकी नेकपा (माओवादी केन्द्र)का अध्यक्षसमेत रहेक रहेका पुष्पकमल दाहाल प्रचण्डकी पत्नी सीता दाहालको अन्तिम संस्कार प्रथम महिला (फस्ट लेडी)को रुपमा गरिएको छ ।
आज सिंहदरबारमा बसेको मन्त्रिपरिषद्को आकस्मिक बैठकले प्रधानमन्त्रीपत्नीको हैसियतमा प्रथम महिलाको सम्मान दिइने निर्णय गरेको एक मन्त्रीले जानकारी दिए ।
माओवादी केन्द्रकी सल्लाहकारसमेत रहेकी सीताको आज बिहान थापाथलीस्थित नर्भिक अस्पतालमा निधन भएको हो ।
सीताको पार्थिव शरीरलाई श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडा, कोटेश्वरमा राखिएको थियो ।
दिउँसो २ बजे पशुपति आर्याघाटमा अन्तिम संस्कार गरिने माओवादी केन्द्रको सचिवालयले जनाएको छ ।
प्रकाशित मिति: बुधबार, असार २७, २०८० १३:०४
प्रतिक्रिया दिनुहोस्
1689149093.jpg "सीताको पार्थिव शरीरमा विशिष्ट व्यक्ति तथा नेताहरूद्वारा श्रद्धाञ्जलि अर्पण")