काठमाडौँ– नेपालले एसिसी इमर्जिङ कपमा पाकिस्तान ‘ए’विरुद्ध टस जितेको छ । कोलोम्बो क्रिकेट ग्राउन्डमा नेपालका कप्तान रोहित पौडेलले टस जितेर पहिला ब्याटिङ गर्ने निर्णय लिएका छन् ।
नेपालको रोहित र पाकिस्तानको मोहम्मद हरिसले कप्तानी गर्नेछन् ।
समूह ‘बी’अन्तर्गत यस खेल आज बिहान सवा १० बजे सुरु भएको हो ।
पाकिस्तानको ‘ए’ टोली भए पनि त्यसमा कस्तान हरिससँगै सिनियर टोलीबाट अनुभव बटुलिसकेका खेलाडीहरू छन् ।
जुलाई १३ देखि २३ तारिखसम्म सञ्चालन हुने प्रतियोगिताको पहिलो चरणमा नेपालले पाकिस्तान ‘ए’सँगै भारत ‘ए’ र युएईसँग खेल्नेछ ।
प्रकाशित मिति: शुक्रबार, असार २९, २०८० १०:१८
प्रतिक्रिया दिनुहोस्
