काठमाडौँ– एसिसी इमर्जिङ टिम्स एसिया कपको आफ्नो पहिलो खेलमा नेपालले पाकिस्तान ‘ए’लाई १८० रनको लक्ष्य दिएको छ ।
कोलम्बो क्रिकेट क्लब ग्राउन्डमा टस जितेर पहिला ब्याटिङ रोजेको नेपालले ३७ ओभरमा १७९ रनमा सबै विकेट गुमायो । खराब ब्याटिङका बीच सोमपाल कामीले पारी सम्हालेका थिए ।
सोमपालले १०१ बलमा ९ चौका र २ छक्कासहित सर्वाधिक ७५ रनको योगदान दिए । एक समय १५.४ ओभरमा ७२–८ को दयनीय अवस्थामा पुगेको नेपाललाई सोमपाल र प्रतिश जिसीले ५८ रनको महत्वपूर्ण साझेदारी गर्दे सम्मानजनक अवस्थामा पुर्याए ।
प्रतिशले २४ बलमा १ चौका र २ छक्कासहित २६ रन बनाए ।
सोमपालले अन्तिम विकेटका लागि ललितनारायण राजवंशीसँग ४९ रनको साझेदारी गरेका थिए । ललित १० बलमा एक रनमा नट आउट रहे ।
केहीबेरपछि पाकिस्तान ‘ए’ले ब्याटिङ गर्नेछ ।
प्रकाशित मिति: शुक्रबार, असार २९, २०८० १३:३०
प्रतिक्रिया दिनुहोस्
