काठमाडौं - लियोनेल मेस्सीले डेभ्यु खेलमा गोल गर्दै इन्टर मियामीलाई जित दिलाएका छन्।
शनिबार विहान सम्पन्न खेलमा मेस्सीले खेलको ५४औ मिनेटमा मैदान प्रवेश गर्दै इन्टर मियामीका लागि डेभ्यु गरेका थिए। लिग कप अन्तर्गत मेक्सिकन क्लब क्रुज अजुलविरुद्धको यो खेल इन्टर मियामीले २-१ ले जितेको छ ।
मेस्सीले खेलको ९४औं मिनेटमा निर्णायक गोल गर्दै इन्टर मियामीलाई जिताएका थिए ।
यसअघि खेलको ४४औं मिनेटमा रोबेर्ट टेलरले इन्टर मियामीका लागि गोल गरेका थिए भने खेलको ६५औं मिनेटमा उरिएल अनटुनाले क्रुजका लागि बराबरी गोल गरेका थिए ।
अब लिग कप अन्तर्गत दोस्रो खेलमा इन्टर मियामीले आगामी जुलाई २६ मा एटलान्टा युनाइटेडसँग खेल्ने छ ।
प्रकाशित मिति: शनिबार, साउन ६, २०८० ०९:४६
प्रतिक्रिया दिनुहोस्
