काठमाडौँ– राजश्व अनुसन्धान विभागले सोह्रखुट्टेबाट ‘ब्रेक शु’ लेखिएको ६६ वटा काटुन बरामद गरेको छ ।
बुधबार साँझ विभाग, सशस्त्र प्रहरी र नेपाल प्रहरीको टोलीले सोह्रखुट्टे नजिकै रहेको एक गोदाममा छापा मारी ‘ब्रेक शु’ लेखिएको ६६ वटा काटुन बराम गरेको हो ।
सोह्रखुट्टेस्थित उक्त गोदामबाट बरामद सामग्रीमा सुन भए–नभएको विषयमा परीक्षण हुन बाँकी रहेको विभागले जनाएको छ । विभागका अनुसार भेटिएको सामान सिलबन्दी गरी सुरक्षित स्थानमा राखिएको छ ।
ती सामान पनि यसअघि विमानस्थलबाट जफत गरिएजस्तै शंकास्पद रहेकोले बरामद गरिएको विभागले जानकारी दिएको छ ।
यसअघि गत २ साउनमा मोटरसाइकल र स्कुटरको ब्रेक शुभित्र लुकाएर ल्याएको सुन बुधबार भन्सार जाँच पास गरेर बाहिरिएको सूचनाको आधारमा राजश्व अनुसन्धान विभागले गरेको कारबाहीको क्रममा १०० किलो बढीको सुन बरामद भएको थियो ।
प्रकाशित मिति: बुधबार, साउन १०, २०८० २०:४६
प्रतिक्रिया दिनुहोस्
