काठमाडौँ– पीडितका तर्फबाट न्याय तथा अधिकारका विषय वकालत गर्दै आएको न्याय तथा अधिकार वकालत मञ्चको अध्यक्षमा भिष्मराज कडरिया निर्वाचित भएका छन् ।
मञ्चको २१ औँ साधारणसभाले कडरियाको नेतृत्वमा ७ सदस्यीय नयाँ कार्यसमिति निर्वाचित गरेको हो ।
निर्वाचन समितिको संयोजक अधिवक्ता हरिबहादुर कार्कीका अनुसार मञ्चको उपाध्यक्षमा मोती श्रेष्ठ, महासचिव कृष्ण शर्मा, सचिव लोकेन्द्र ओली, कोषाध्यक्ष श्रीहरि भण्डारी निर्वाचित भएका छन् । त्यसैगरी, सदस्यहरुमा सोनी रघुवंशी श्रेष्ठ हरिमाया भट्टराई निर्वाचित भएको संयोजक कार्कीले जानकारी दिए ।
मञ्चलाई पीडितहरूका तर्फबाट न्याय प्राप्ति हुने गरी सशक्त रुपमा अघि बढाउने नवनिर्वाचित अध्यक्ष कडरियाले प्रतिवद्धता व्यक्त गरेका छन् ।
निर्वाचित सबै नयाँ कार्यसमितिका पदाधिकारी तथा सदस्यहरू अधिवक्ता हुन् ।
प्रकाशित मिति: शनिबार, साउन २७, २०८० १८:५०
प्रतिक्रिया दिनुहोस्
