युक्रेन द्वन्द्व अन्त्यका लागि शान्ति सम्झौता प्रयास गर्न जर्मन चान्सलरको आग्रह
फ्र्याङ्कफर्ट– जर्मनीका चान्सलर ओलाफ स्कोल्जले युक्रेनमा जारी द्वन्द्व अन्त्यका लागि शान्ति सम्झौताका लागि साउदी अरबको नेतृत्वमा हालै सम्पन्न शिखर सम्मेलनको स्वागत गर्दै थप कूटनीतिक प्रयासका लागि आह्वान गरेका छन् ।
चीन, जर्मनी, भारत र संयुक्त राज्य अमेरिकालगायत करिब ४० देशका प्रतिनिधिहरूले गत सप्ताहन्तमा जेद्दामा भएको सम्मेलनमा भाग लिएका थिए ।
“हामीले यी वार्ताहरू जारी राख्नु अर्थपूर्ण छ, किनकि यसले रूसलाई उसले गलत बाटो लिएको छ भन्ने महसुस गर्न दबाब बढाउँछ । रूसले आफ्ना सैनिकहरू फिर्ता गर्नुपर्छ र शान्ति लाई सम्भव बनाउनुपर्छ,” स्कोल्जले जर्मन प्रसारक जेडडीएफसँग आफ्नो वार्षिक ग्रीष्मकालीन साक्षात्कारमा भने ।
गत जुन महिनामा कोपेनहेगनमा पनि शान्तिको बाटोबारे छलफल गर्न यस्तै अन्तर्राष्ट्रिय वार्ता भएको थियो ।
स्कोल्जले डेनमार्क र साउदी अरबमा विदेश नीति सल्लाहकारको तहमा भएको वार्तालाई ‘अत्यन्त विशेष’ भनेका छन् । “वास्तवमा, वार्ताहरू धेरै महत्वपूर्ण छन् र तिनीहरू केवल सुरुवात हुन्,” स्कोल्जले भने ।
युक्रेनले सोमबार साउदी अरबको शिखर सम्मेलनबाट आफू सन्तुष्ट रहेको बताएको छ, जसमा कीभले युक्रेनी भूमिबाट रूसी सेनाको पूर्ण फिर्तासहित आफ्नो १० बुँदे शान्ति योजनालाई समर्थन गर्ने प्रयास गरेको थियो ।
यसैबीच, मस्कोले कीभले हतियार छोडेमा मात्र शान्ति सम्झौता सम्भव रहेको बताएको छ । रूसको आक्रमणको एक वर्षभन्दा बढी समयपछि युक्रेनले पश्चिमी हतियार भण्डारण गरेपछि गत जुनमा अत्यधिक प्रत्याशित प्रतिआक्रमण सुरु गरेको थियो । तर रूसको कडा प्रतिरोधको सामना गर्न उसले संघर्ष गरिरहेको छ ।
कीभले बर्लिनलाई आफ्नो प्रयासलाई बढावा दिन लामो दूरीको टोरेस क्रुज क्षेप्यास्त्रको लागि बारम्बार आग्रह गर्दै आएको छ, तर जर्मनीले अहिलेसम्म हतियारहरू रूसी भूमिमा पुग्न सक्ने र द्वन्द्वलाई व्यापक बनाउन सक्ने चिन्ताबीच विरोध गरेको छ ।
जर्मनी अब संयुक्त राज्य अमेरिकापछि युक्रेनलाई सैन्य सहायताको दोस्रो सबैभन्दा ठूलो आपूर्तिकर्ता भएको स्कोल्जले अन्तर्वार्ताका क्रममा दोहा¥याउनु भयो । तर युक्रेनमा टोरेस क्षेप्यास्त्र पठाउने विषयमा चान्सलरले असन्तुष्टि व्यक्त गरेका छन् ।
स्कोल्जले भने, “विगतमा जस्तै के सम्भव छरु के अर्थपूर्ण छरु हाम्रो योगदान के हुन सक्छ रुहामी हरेक निर्णयको सावधानीपूर्वक समीक्षा गर्नेछौं,” के सम्भव छ, के अर्थपूर्ण छ, हाम्रो योगदान के हुन सक्छ ।”
