एजेन्सी - स्विडेनलाई २–१ ले हराउँदै स्पेनले अस्ट्रेलिया तथा न्युजिल्यान्डमा जारी महिला विश्वकपको फाइनलमा स्थान बनाएको छ । पहिलो हाफमा दुबै टिमले गोलरहित बराबरी खेलेका थिए । अधिकांश समय बललाई आफ्नो नियन्त्रणमा राखर स्पेनले विपक्षीको पोस्टमा आक्रमण गरेको थियो ।
दोस्रो हाफमा वैकल्पिक खेलाडीका रुपमा मैदान छिरेकी साल्भा पाराल्लूयलोले ८३ औं मिनेटमा गोल गर्दै स्पेनलाई अग्रता दिलाइन् । तर, स्विडेनले हार मानेन । रेविका बोम्ल्कभिस्टले ८७ औं मिनेटमा स्विडेनलाई बराबरीमा फर्काइन् ।
त्यसको दुई मिनेटमै ओल्गा कारमानोले स्पेनबाट अर्को गोल गरिन् । पहिलोपटक विश्वकपको फाइनलमा स्थान बनाएको स्पेन अब आयोजक अस्ट्रेलिया र इङल्यान्डमध्ये एकसँग फाइनलमा प्रतिस्पर्धा गर्नेछ । फाइनल खेल अस्ट्रेलियाको सिड्नीमा आगामी आइतबार हुनेछ ।
प्रकाशित मिति: मंगलबार, साउन ३०, २०८० १५:४०
प्रतिक्रिया दिनुहोस्
