एजेन्सी - इङल्यान्डले आयोजक अस्ट्रेलियालाई हराउँदै महिला विश्वकपको फाइनलमा स्थान बनाएको छ । सिड्नीमा भएको सेमिफाइनलमा आयोजकविरुद्ध इङल्यान्डले ३–१ को जित निकाल्यो ।
इङल्यान्डबाट इल्ला टोनीले खेलको ३६ औं मिनेटमा गोल गरेकी थिइन् । ६३ मिनेटमा साम खेरले आयोजक टिमका लागि बराबरी गोल फर्काइन् । ७१ मिनेटमा लरेन हम्पले गोल गर्दै इङल्यान्डलाई २–१ ले अग्रता दिलाइन् ।
एलिसिया रुसोले ८६ मिनेटमा अर्को गोल गर्दा इङल्यान्ड फाइनल पुग्यो । १९६६ को पूरुष विश्वकप विजेता इङल्यान्डले यस जीतसँगै पूरुष र महिलातर्फका दुबै विश्वकप खेल्ने थोरै टिमहरुको सुचीमा आफुलाई दर्ज गर्यो ।
यसअघि ब्राजिल, स्विडेन, नेदरल्यान्डस्, जर्मनी र स्पेनले मात्रै यस्तो किर्तिमान बनाएका थिए । सन् २०१० को पूरुष विश्वकप विजेता स्पेनले मंगलबारमात्रै स्विडेनलाई सेमिफाइनलमा हराएर यस्तो किर्तिमान बनाएको थियो ।
स्पेन र इङल्यान्डबीचको फाइनल खेल आइतबार हुनेछ ।
