काठमाडौंबाट पोखरा जाँदै गरेको बस गजुरी गाउँपालिकास्थित छहराबाट त्रिशुलीमा खस्दा मृत्यु हुनेको संख्या ८ पुगेको छ भने ८ जना घाइतेको स्थानीय अस्पतालमा उपचार भइरहेको छ । अन्य बेपत्ताको खोजी कार्य जारी रहेको प्रहरीले जनाएको छ ।
धादिङका प्रवक्ता एवम् डिएसपी सन्तु जयसवालका अनुसार काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस आज बिहान सवा ११ बजे सडकबाट करिब ४० मिटर तल त्रिशूली नदीमा खसेको थियो ।
‘प्रहरी, सेना र स्थानीयको सहकार्यमा घटनास्थलबाट उद्धार गरिएको १६ जनाको स्थानीय अस्पतालमा उपचार भइरहेको डिएसपी जयसवालले बताए । उनले दुर्घटनामा २ महिला र ६ पुरुष गरी ८ जनाको मृत्यु भएको जानकारी दिए ।
उक्त दुर्घटनामा नेपाल प्रहरी र नेपाली सेनाले स्थानीयको सहयोगमा घाइतेको उद्धार गरिएको हो ।
प्रकाशित मिति: बुधबार, भदौ ६, २०८० १९:३९
प्रतिक्रिया दिनुहोस्
