सन् २००९ यता पहिलोपटक देखिएको दुर्लभ खगोलीय घटना ‘ब्लू सुपरमून’ मा देखिएको चन्द्रमाको अभूतपूर्व दृश्य खगोलविद्,आकाशीय पिण्डहरूको गतिविधिमा रूचि राख्नेहरू लगायत विश्वभरिका मानिसहरूले हेरेका छन्।
एक वर्षभरिको समयमा सामान्यतया १२ वटा पूर्ण चन्द्र देखिनेको प्रकृयाभन्दा थप जब १३ वटा पूर्ण चन्द्र देखिन्छ त्यस्तो चन्द्रमालाई ‘ब्लू मून’ भनिन्छ।
त्यस्तो ‘ब्लू मून’ प्रकृयाको चन्द्रमा सामान्यभन्दा धेरै चम्किलो देखियो भने त्यसलाई ‘सुपर ब्लू मून’ भनिन्छ।
पृथ्वीको वरपर घुम्ने त्यो उपग्रह आफ्नो परिक्रमा कक्षमा पृथ्वीसँगको सबैभन्दा नजिक विन्दूमा रहेका बेला अरूबेला भन्दा बढी चहकिलो र ठूलो देखिने गर्छ।
अङ्ग्रेजी भाषामा ब्लू मूनभन्दा नीलो रङ्गको चन्द्रमा भन्ने अर्थ लाग्छ तर ब्लू मून भनिने खगोलीय प्रकृयाको निलो रङ्गसँग कुनै सम्बन्ध छैन। सुपर ब्लू मूनमा चन्द्रमा निलो रङ्गको देखिँदैन।
सामान्य बेलामा भन्दा भिन्न देखिने र त्यो प्रकृया दुर्लभ हुने हुँदा त्यस्तो अवस्था जनाउनलाई मात्र ब्लू मून भनिएको हो ।
भियना, अस्ट्रियाको जोहान स्ट्रस स्मारकमा देखिएको पूर्णिमा । तस्बिर : सिन्ह्वा/हे क्यानलिंग
ग्रीस नजिकैको केप साउनियनको पोसेडनको मन्दिरमा उदाएको चन्द्रमा । तस्बिर : सिन्ह्वा/मारियोस लोलोस 
ब्रसेल्समा खिचिएको पूर्णिमा । तस्बिर : सिन्ह्वा/झाओ डिङ्झे 
