काठमाडौं - अफ्रिकी मुलुक मोरक्कोमा गएको शक्तिशाली भूकम्पमा परी ज्यान गुमाउनेकाे संख्या ६ सय नाघेकाे छ।
त्यहाँको गृह मन्त्रालयले दिएको जानकारी अनुसार घटनामा ६ सय ३२ जनाकाे मृत्यु भएकाे छ भने ३ सय २९ जना घाइते भएका छन्।
६.८ म्याग्निच्युड मापन गरिएको भूकम्पले भौतिक संरचनामा पनि ठूलो क्षति पुर्याएको छ।
पहाडी क्षेत्रमा बढी क्षति पुगेको छ । माराकेश र अन्य शहरमा मानिसहरुले खुला स्थानमा आश्रय लिइरहेको बीबीसीले जनाएको छ ।
सामाजिक संजालमा आएका भिडियो क्लिपमा क्षतिग्रस्त भवन र भग्नावशेष देखिएको छ । मृतकको संख्या अझ बढ्न सक्ने त्यहाँको गृहमन्त्रालयले जनाएको छ ।
प्रकाशित मिति: शनिबार, भदौ २३, २०८० १७:२४
प्रतिक्रिया दिनुहोस्
