काठमाडाैं- नेपाल क्रिकेट संघ(क्यान) को केन्द्रीय सचिवमा पारस खड्काविरुद्ध प्रशान्त विक्रम मल्लले उम्मेद्धवारी दिएका छन् ।
अध्यक्ष चतुरबहादुर चन्दको प्यानलबाट उठेका पारसविरुद्ध पूर्वकार्यवाहक सचिव मल्लको उम्मेदवारी दिएका हुन्। विवाद भएपछि उनले सचिवबाट राजीनामा दिएका थिए।
अध्यक्षमा भने चतुरबहादुर चन्द निर्विरोध निर्वाचित भइसकेका छन्। त्यस्तै, उपाध्यक्षमा रोशनकुमार सिंह र कोषाध्यक्षमा पदमबहादुर खड्का निर्विरोध चयन भएका छन् ।
शनिबार हुने तालिका रहेको निर्वाचनका लागि उमेदवारी दर्ता समयसम्म अध्यक्षमा चन्द, उपाध्यक्षमा सिंह र कोषाध्यक्षमा खड्काबाहेक अरू कसैको उमेदवारी दर्ता नभएपछि उनीहरू निर्विरोध भएका हुन् ।
सचिव र केन्द्रीय सदस्यका लागि आजै निर्वाचन हुँदै छ । क्यानको निर्वाचनमा ८४ मतदाता छन्।
प्रकाशित मिति: शनिबार, असोज ६, २०८० १२:५३
प्रतिक्रिया दिनुहोस्
