काठमाडौं - साउदी प्रो लिग अन्तर्गत अल नासरले अल टाइलाई हराएको छ ।
शुक्रबार राति सम्पन्न खेलमा अल नासरले अल टाइलाई २-१ गोल अन्तरले पराजित गरेको हो ।
अल नासरको जितमा क्रिस्टियानो रोनाल्डोले खेलको ८७औँ मिनेटमा पेनाल्टीमार्फत निर्णायक गोल गरेका थिए । यसअघि अल नासरका लागि खेलको ३२औं मिनेटमा रोनाल्डोको असिस्टमा टालिस्काले गोल गरेका थिए ।
त्यस्तै अल टाइका लागि भिर्गिल मिसिडजानले एक गोल गरेका थिए ।
यो यस सिजनमा अल नासरको लगातार छैटौं जित हो । यो जितपछि अल नासरको ८ खेलमा १८ अंक भएको छ र अंकतालिकामा तेस्रो स्थानमा उक्लिएको छ ।
त्यसैगरी अल टाइको ८ खेलमा ७ अंक छ र लिगमा १२औं स्थानमा रहेको छ ।
प्रकाशित मिति: शनिबार, असोज १३, २०८० ०७:०४
प्रतिक्रिया दिनुहोस्
