होस्टेलमा झुन्डिएको अवस्थामा मृत भेटिए ८ बर्षिय बालक, विद्यालयमा तोडफोड र आगजनी
काठमाडौं– सुर्खेतको वीरेन्द्रनगर नगरपालिकास्थित उषा बालबाटिका विद्यालयमा आवासीय अध्ययन गरिरहेका एक ८ बर्षिय बालक मृत भेटिएका छन्।
वीरेन्द्रनगर नगरपालिका–६ मा रहेको विद्यालयको होस्टेलमा २ कक्षामा पढ्ने बालक झुन्डिएको अवस्थामा मृत फेला परेको प्रहरीले जनाएको छ।
जिल्ला प्रहरी कार्यालय सुर्खेतका अनुसार मृत भेटिएका बालक दैलेखको चामुण्डाविन्द्रासैनी नगरपालिका– १ का सलाम पुलामी मगर हुन्।
बालकको शव अहिलेसम्म उठाइएको छैन। आफन्तहरुले घटना शंकास्पद रहेको भन्दै शव उठाउन दिएका छैनन् भने विद्यालयमा तोडफोड र आगजनी गरेका छन्।
विद्यालय क्षेत्र अहिले तनावग्रस्त छ। घटना शंकास्पद रहेको भन्दै आफन्त आक्रोशित छन्। स्थिति नियन्त्रणमा राख्न प्रहरी परिचालन गरिए पनि अवस्था तनावग्रस्त छ।
प्रकाशित मिति: शनिबार, असोज १३, २०८० १२:३३
प्रतिक्रिया दिनुहोस्
