काठमाडौं - ईङलिश प्रिमियर लिग अन्तर्गत चेल्सीले फुलह्यामलाई पराजित गरेको छ ।
सोमबार राति सम्पन्न खेलमा चेल्सीले फुलह्यामलाई २-० गोल अन्तरले पराजित गरेको हो ।
चेल्सीका लागि मिखाइलो मुड्रीक र अर्मान्डो ब्रोजाले एक एक गोल गरेका हुन् ।
यस सिजनमा खराब शुरुवात गरेको चेल्सीको प्रिमियर लिगमा दोस्रो जित हो । अहिलेसम्म ७ खेल खेलेको चेल्सीको यो जितपछि ८ अंक भएको छ र लिगमा ११औं स्थानमा उक्लिएको छ ।
त्यसैगरी फुलह्यामको भने यस सिजनमा यो तेस्रो हार हो । अहिलेसम्म ७ खेलमा फुलह्यामको पनि ८ अंक रहेको छ र लिगमा १३औं स्थानमा रहेको छ ।
प्रकाशित मिति: मंगलबार, असोज १६, २०८० ०७:४८
प्रतिक्रिया दिनुहोस्
