आममाफी दिने निर्णयको सक्कल मिसिलसहित लिखित जवाफ पेश गर्नू : सर्वोच्च अदालत [आदेशसहित]
काठमाडौँ- सर्वोच्च अदालतले योगराज ढकाल (रिगल)को कैद मिनाहा गरी आममाफी दिने निर्णयको सक्कल मिसिल यही असोज २४ गतेभित्र झिकाउन आदेश गरेको छ । साथै कारण देखाउ आदेशसमेत जारी गरेको छ ।
बिहीबार न्यायाधीश मनोजकुमार शर्माको इजलासले सात दिनभित्र सक्कल मिसिलसहित लिखित जवाफ पेश गर्न विपक्षीहरूलाई आदेश दिएको छ।
बाँकेका चेतन मानन्धरकी पत्नी भारती शेर्पाले दिएको रिटमा अर्को सुनुवाइको पेशी असोज २५ गतेलाई तोक्न पनि आदेश गरेको छ।सर्वोच्च अदालतका अनुसार यो रिटलाई अग्राधिकारमा राखेर सुनुवाइ गर्न आदेश दिएको छ ।
रिगललाई संविधान दिवसको दिन तुलसीपुर कारागारबाट छुटेका थिए। सरकारको सिफारिसमा राष्ट्रपति रामचन्द्र पौडेलले कैद मिनाहा गरेपछि उनी कैद मुक्त भएका थिए ।
०७५ भदौ अघिको घटना भए ४० प्रतिशत र त्यसपछिको घटना भए ५० प्रतिशत कैद सजाय भुक्तान गरेको कैदीलाई जेलमा असल चालचलन देखाएमा बाँकी कैद छुट दिने कानुनी व्यवस्था रहेको भन्दै सरकारले आममाफीका लागि राष्ट्रपतिसमक्ष सिफारिस गरेको थियो।
उनी सजाय माफी पाएर छुटेको थाहा पाएपछि मृतक चेतनकी श्रीमती भारतीले सर्वोच्चमा रिट हालेकी थिइन् ।
यस्ताे छ आदेश
-1730280416.webp "तिहारको बिदामा पनि सर्वोच्च अदालत खुला रहने")
