काठमाडौँ– संयुक्त राष्ट्रसंघका महासचिव एन्टोनियो गुटरेसको नेपालमा हुने भनिएको भ्रमण स्थगित भएको छ ।
गत शनिबारदेखि इजरायल र प्यालेस्टाइनबीच सुरु भएको युद्धका कारण महासचिव गुटरेसको यही असोज २६ गतेदेखि २९ गतेसम्म तय भएको नेपाल भ्रमण स्थगित भएको परराष्ट्र मन्त्रालयकी प्रवक्ता सेवा लम्सालले आज जानकारी दिएकी हुन् ।
परराष्ट्र मन्त्रालयले महासचिव गुटरेसको नेपाल भ्रमण केही समयमै पुनः तय हुने जनाएको छ ।
प्रवक्ता लम्सालका अनुसार महासचिव गुटरेसको नेपाल भ्रमण छिट्टै हुनेछ । गुटरेसले आगामी असोज २७ गते संघीय संसदको संयुक्त बैठकलाई सम्बोधन गर्ने कार्यक्रमसमेत तय भएको थियो ।
प्रकाशित मिति: मंगलबार, असोज २३, २०८० १९:५५
प्रतिक्रिया दिनुहोस्
