न्यायालयमा भौतिक सुविधा र सेवाग्राहीको सहज पहुँच हुनुपर्छ : प्रधानन्यायाधीश श्रेष्ठ
काठमाडौँ– प्रधानन्यायाधीश विश्वम्भरप्रसाद श्रेष्ठले न्यायालयको सुधारमा निरन्तर लागिरहेको बताएका छन् ।
आइतबार ललितपुरमा उच्च अदालत पाटनको नवनिर्मित भवनको उदघाटन गर्दै प्रधानन्यायाधीश श्रेष्ठले न्यायालयप्रति जनविश्वास बढाउनका लागि न्यायालयको सुधारमा निरन्तर लागिरहेको बताएका हुन् ।
उनले न्यायालयप्रतिको आस्था वृद्धि गर्न न्याय सेवा प्रवाह छिटोछरितो हुनुपर्ने र भौतिक सुविधाका साथै न्यायालयमा सेवाग्राहीको सहज पहुँच हुनुपर्ने धारणा राखे ।
उनले दुई वर्ष पुराना मुद्दा किनारा लगाउने उद्देश्यले अभियानकै रुपमा काम गरिरहेको पनि बताए । रिक्त भएका तीनवटै तहका न्यायालयमा न्यायाधीश नियुक्ति प्रक्रिया प्रारम्भ भएको उनको भनाइ छ ।
५८ करोड रुपैयाँको लागतमा बनेको भवनमा १२ वटा इजलास कक्षको व्यवस्था गरिएका उच्च अदालत पाटनले जनाएको छ ।
प्रकाशित मिति: आइतबार, असोज २८, २०८० १७:५२
प्रतिक्रिया दिनुहोस्
