काठमाडाैं - त्रिदेशीय टी–२० अन्तर्राष्ट्रिय क्रिकेट शृङ्खलामा आज नेपाल र हङकङ भिड्दै छन्। मूलपानी क्रिकेट मैदानमा हुने खेल बिहान ११ बजे शुरु हुनेछ।
अघिल्ला दुई खेलमा लगातार जित हात पारेको नेपाल आज हङकङलाई हराएमा शृङ्खलाको फाइनलमा पुग्नेछ। पहिलो खेलमा नेपालले यूएईलाई ७ विकेटले हराएको थियो। यस्तै, दोस्रो खेलमा हङकङलाई ६ विकेटले हराएको थियो ।
आईसीसी टी–२० विश्व कप छनोटको तयारी स्वरुप नेपाल क्रिकेट सङ्घ क्यानले त्रिदेशीय शृङ्खलाको आयोजना गरेको हो। शृङ्खलामा नेपालसहित यूएई र हङकङ समावेश छन्। शृङ्खलाको फाइनल खेल आउँदो १० गते शुक्रवार त्रिवि मैदान कीर्तिपुरमा हुनेछ ।
प्रकाशित मिति: शनिबार, कात्तिक ४, २०८० १०:२३
प्रतिक्रिया दिनुहोस्
