काठमाडौँ– नेकपा एमालेका अध्यक्ष केपी शर्मा ओलीले संयुक्त राष्ट्रसंघका महासचिव एन्टोनियो गुटेरेसले संसद्मा गरेको सम्बोधन नेपालका लागि निकै राम्रो भएको प्रतिक्रिया दिएका छन् ।
मंगलबार संसद भवनमा प्रतिक्रिया दिदै ओलीले नेपालको शान्तिप्रक्रिया देखि जलवायु परिवर्तन लगाएतका बिषयमा महासचिव गुटेरेसले व्यक्त गरेको अभिव्यक्ति निकै राम्रो भएको प्रतिक्रिया दिएका हुन् ।
नेपालको राम्रो मूल्याङकन गरेको, विपन्न राष्ट्रहरुलाई सम्पन्न राष्ट्रहरुले सहयोग गर्नुपर्ने तथा जलवायु परिवर्तनको असरमा नेपालको सजकताको गुटेरेसले बिशेष प्रसंसा गरेको उनले बताए ।
ओलीले पीडितलाई न्यायका साथै सर्वोच्च अदालतको आदेश र अन्तराष्ट्रिय मान्यता अनुसार शान्ति प्रक्रियालाई छिटो टुङ्गोमा पुराउन सुझाव दिएको भन्दै पार्टीले समेत धन्यवाद दिने बताए ।
प्रकाशित मिति: मंगलबार, कात्तिक १४, २०८० १८:२८
प्रतिक्रिया दिनुहोस्
