काठमाडाैं - आइसीसी विश्वकप क्रिकेटमा दक्षिण अफ्रिकाले न्यूजिल्याण्डविरुद्ध शानदार जित दर्ता गरेको छ। बुधवार पुनेमा भएको खेलमा दक्षिण अफ्रिकाले न्यूजिल्याण्डलाई १९० रनले पराजित गर्दै आफूलाई तालिकाको शीर्ष स्थानमा उकालेको छ।
दक्षिण अफ्रिका १२ अंकसहित शीर्ष स्थानमा उक्लिदा एक खेल कम खेलेको भारत भने समान अंक १२ सहित दोस्रो स्थानमा छ । दक्षिण अफ्रिका रनरेटका आधारमा शीर्ष स्थानमा उक्लिएको हो ।
दक्षिण अफ्रिकाले जारी विश्वकपमा छैटौं जित निकाल्दा न्युजिल्याण्डले भने तेस्रो हार व्यहोरेको छ। यो हारसँगै तेस्रो स्थानमा रहेको न्युजिल्याण्ड चौथो स्थानमा झरेको छ भने चौथो स्थानमा रहेको अस्ट्रेलिया तेस्रो स्थानमा उक्लिएको छ ।
३५८ रनको लक्ष्य पछ्याएको न्युजिल्याण्ड पुरै ओभर पनि खेल्न सकेन। ३५.३ ओभरमा सवै विकेट गुमाएर १६७ रन मात्रै बनाउन सक्याे।
प्रकाशित मिति: बिहीबार, कात्तिक १६, २०८० ०७:२०
प्रतिक्रिया दिनुहोस्
