काठमाडौँ - मन्त्रिपरिषद्को बैठक आज बस्दै छ । बैठक अहिले १० बजे बस्ने भएको हो ।

प्रधानमन्त्री तथा मन्त्रिपरिषद्को कार्यालय सिंहदरवारमा बस्ने बैठकमा मन्त्रालयहरूका नियमित प्रस्तावहरूसँगै केही केही प्रशासनिक निर्णयहरूसमेत हुन सक्ने जनाइएको छ । सचिवालय स्रोतका अनुसार आजको बैठकले पुनः सहसचिवको सरुवा गर्ने निर्णय गर्न सक्ने सम्भावना छ ।

यसअघि नै पटक पटक सरुवा गर्ने निर्णय गरे पनि केही शक्तिशाली ठानिएका मन्त्रालयमा जाने र निस्कने सहसचिवहरूको शक्ति सङ्घर्षका कारण निर्णय कार्यान्वयन हुन सकेको थिएन । जसका कारण पटक पटक सूची फेरबदल हुँदै आएको थियो ।