काठमाडौँ– खेलको अन्तिम समयमा गरेको गोलको मद्दतले धनगढी एफसीले नेपाल सुपर लिग (एनएसएल)को दोस्रो संस्करणमा विजयी सुरुवात गरेको छ ।
आज भएको खेलमा विदेशी खेलाडी अहमद हिजाजी र फोडे फोफानाको गोलमा साविक उपविजेता धनगढी एफसीले नयाँ टिम वीरगंज युनाइटेडलाई २–१ ले हराएर विजयी सुरुवात गरेको हो ।
विरगन्जका लागि हान्स क्वोफीले गोल गरेपछि खेल १–१ को अवस्थामा पुगेको थियो । तर, खेलको अन्तिम समय ८९औं मिनेटमा धनगढीका लागि कृतिश रत्न छुन्जुको पासमा अहमद हिजाजीले गोल गरेपछि जित हासिल गरेको हो । धनगढीका लागि सुरुवाती गोल फोडे फोफानाले गरेका थिए ।
भोलि हुने खेलमा झापा एफसीले स्पोर्टिङ्ग मेची डे इलामको सामना गर्ने छ।
प्रकाशित मिति: आइतबार, मंसिर १०, २०८० २०:१८
प्रतिक्रिया दिनुहोस्
