काठमाडौँ- कोशी प्रदेशको विरोधमा आन्दोलित पहिचनावादीको एक समूहलाई प्रहरीले पक्राउ गरेको छ ।
एमालेको संकल्प यात्रा बिथोल्न उत्रिएका नेकपा माओवादी केन्द्रका पूर्व नेता गोपाल किरातीसहितका आन्दोलनकारीलाई प्रहरीले पक्राउ गरेको हो ।
जिल्ला प्रहरी कार्यालय खोटाङका डीएसपी पुरुषोत्तम खड्काका अनुसार बन्द गराउँदै सवारी साधनलाई अवरोधमा उत्रिएपछि उनीहरूलाई पक्राउ गरिएको हो ।
आन्दोलनकारीले मध्यपहाडी लोकमार्गको ठाउँ-ठाउँमा रूख ढालेर अवरोध गरेका छन् । उनीहरुले मध्यपहाडी लोकमार्ग केन्द्रित झुलाघाट–चिवाभञ्ज्याङ समृद्धिका लागि संकल्प यात्राका क्रममा एमाले अध्यक्ष केपी शर्मा ओलीसहितका नेताहरूलाई प्रवेश निषेध गर्ने भन्दै अवरोध सृजना गर्न खोजिरहेका छन् ।
साेही कारण प्रहरीले उक्त समूहलाई नियन्त्रणमा लिएको हो ।
प्रकाशित मिति: मंगलबार, मंसिर २६, २०८० १३:५२
प्रतिक्रिया दिनुहोस्
