काठमाडौं- सरकारले परराष्ट्र मन्त्रालयकी सहसचिव सेवा लम्साललाई सचिवमा बढुवा गरेको छ।
मन्त्रिपरिषदको बिहीबारको बैठकले उनलाई सचिवमा बढुवा गरेको सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले जानकारी दिइन् ।
उक्त पदको जिम्मेवारी पाउने उनी पहिलो महिला भएकी छन् । हालै परराष्ट्र मन्त्रालयका सचिव भरत पौडेललाई सरकारले क्यानाडाका लागि नेपाली राजदूत सिफारिस गरेको थियो।
मन्त्री शर्माका अनुसार बैठकले नेपाली सेनाका उपरथी अशोकराज सिग्देललाई रथी पदमा बढुवा गर्ने निर्णय गरेको छ । साथै, बैठकले विद्युत् खपत वृद्धि तथा खनिज इन्धन न्यूनीकरणसम्बन्धी कार्ययोजना, २०८० स्वीकृत गर्ने निर्णय गरेको छ ।
प्रकाशित मिति: बिहीबार, मंसिर २८, २०८० १७:४८
प्रतिक्रिया दिनुहोस्
