चितवनलाई हराउँदै धनगढी लिगको शीर्षस्थानमा
काठमाडौँ– नेपाल सुपर लिग–२ मा अपराजित यात्रा कायम राख्दै धनगढी एफसी अंक तालिकाको शीर्ष स्थानमा उक्लिएको छ ।
दशरथ रंगशालामा आज सम्पन्न खेलमा धनगढीले एफसी चितवनलाई १–० ले पराजित गर्दै अंक तालिकाको शीर्ष स्थानमा उक्लिएको हो ।
खेलको दोस्रो मिनेटमा धनगढीका ओलावाले आफिजले गरेको गोल नै खेलमा निर्णायक सावित भयो । रोहन कार्कीको पासमा ओलावालेले बक्सको दायाँ छेउबाट क्रस गरेको बल पोस्ट भित्र छिरेको थियो ।
त्यस्तै, पहिलो हाफकै इन्ज्युरी समयमा विमल घर्ती मगरले पेनाल्टीको अवसर खेर फाल्दा बराबरी गर्ने अवसरबाट चितवन चुक्यो । विमलको पेनाल्टी प्रहार गोलरक्षक टिकेन्द्र थापाले बचाए ।
यस जितले धनगढी ५ खेलमा ३ जित र २ बराबरीका साथ ११ अंक जोड्दै शीर्षस्थानमा छ । चितवन भने ६ खेलमा १ जित, २ बराबरी र ३ हारका साथ ५ अंक जोड्दै सातौं स्थानमा कायम छ ।
लिग अन्तर्गत शुक्रबार झापा एफसी र ललितपुर सिटी एफसीबीच खेल हुनेछ । एनएसएलकै ५० औं खेलको अवसरमा टिकटमा ५० प्रतिशत छुट दिइएको छ ।
कतारले नेपाललाई दियो १५२ रनको लक्ष्य
-1744162688.jpg)
यु–१९ क्रिकेट विश्वकप एसिया छनोटको खेल तालिका सार्वजनिक, नेपालको पहिलो खेल युएईसँग
यू-१९ विश्वकपको एसिया छनोट खेल्ने नेपाली टिमको घोषणा
कोलकोतामाथि लखनउको ४ रनको रोमाञ्चक जित
रोयल च्यालेन्जर्सको १२ रनको रोमाञ्चक जित, मुम्बईको चौथो हार
खुमलटार र एपिएफलाई अझै ‘ए’ डिभिजन क्लबकै मान्यता
एपिएफ क्लबमा आबद्ध भइन गोलकिपर अन्जना
