काठमाडौं - पोखराको प्याराग्लाइडिङ उडान बन्द भएकाे छ। प्याराग्लाइडिङ कम्पनीहरु बीचको किचलोले चार दिनयता पोखरामा प्याराग्लाइडिङ सेवा बन्द भएकाे हाे।
प्रचलित शुल्कमा घटाघट गरेर जतिमा पायो त्यतिमा उडाउन थालेपछि कम्पनीहरुबीच मतमतान्तर बढ्दा गत बिहीबारदेखि सबैका उडान बन्द भएको हो।
नेपाल हवाई खेलकुद संघ (ना) अन्तर्गतको सेवाका लागि आबद्ध कम्पनीबीच भएको सहमति नागरिक उड्डयन प्राधिकरणमा पुगेको छ। उक्त सहमति स्वीकृत भएपछि मात्र खुला गराउने तयारीमा प्राधिकरण छ।
पोखरा अन्तर्राष्ट्रिय विमानस्थल सञ्चालनमा आएसँगै प्याराग्लाइडिङ उडानस्थल सराङकोटबाट मान्द्रेढुंगामा स्थानान्तरण गरिएको छ। यो खेलका लागि लागू गरिएको प्रणाली पालना नभएका कारण तत्कालका लागि सेवा नै बन्द गराइएको प्राधिकरणका सूचना अधिकारी ज्ञानेन्द्र भुलले बताए।
प्रकाशित मिति: सोमबार, पुस २, २०८० १०:०२
प्रतिक्रिया दिनुहोस्
