काठमाडौँ– नेपाल सुपर लिग (एनएसएल) फुटबल प्रतियोगितामा प्लेअफ समिकरणबाट बाहिरीसकेको स्पोर्टिङ इलामले अपराजित ललितपुर सिटी एफसीलाई पराजित गरेको छ ।
त्रिपुरेश्वरस्थित दशरथ रङ्गशालामा आज भएको पहिलो खेलमा स्पोर्टिङ इलामले ललिपुर सिटी एफसीलाई १–० ले गोलअन्तरले पराजित गर्दै विजयी भएको हो । इलामका लागि खेलको ५९औँ मिनेटमा फोडे कमराले गरेको एक गोल नै निर्णायक गोल सावित भयो।
प्रतियोगितामा अपराजित रहेको ललितपुरको यो पहिलो हार हो । यस हारसँगै ललितपुरले शीर्ष स्थानमा उक्लिने मौका गुमाएको छ । सात खेल खेलेको ललितपुर १० अङ्कसहित तेस्रो स्थानमा छ । यस जितसँगै इलाम आठ खेलबाट ८ अङ्कसहित पाँचौँ स्थानमा उक्लिएको छ ।
प्रकाशित मिति: मंगलबार, पुस ३, २०८० १९:२३
प्रतिक्रिया दिनुहोस्
