काठमाडौं - प्रधानमन्त्री कप महिला क्रिकेटमा आज पनि चार वटा खेल हुँदैछन्। कीर्तिपुर मैदानमा साढे ९ बजे कोशी र सुदूरपश्चिम प्रदेश तथा मूलपानीमा मधेस र लुम्बिनी प्रदेश खेल्दैछन्।
दिउँसो सवा एक बजे कीर्तिपुरमा एपीएफ क्लब र गण्डकी प्रदेश तथा मूलपानीमा बाग्मती र कर्णाली प्रदेशबीच खेल हुनेछ।
प्रतियोगितामा ७ वटा प्रदेश र एक विभागीय टोली सहभागी छन्। एपीएफ लगातार पाँचौ खेलमा अपराजित रहँदै प्लेअफमा पुगिसकेको छ। राउन्ड रोबिनको आधारमा चलिरहेको खेलमा सबै टोलीले एक अर्कासँग खेल्नेछन्।
कोशी चार खेल जितेर ८ अंकका अंक तालिकाको दोस्रो स्थानमा छ। तीन खेल नै जितेको सुदूरपश्चिम तेस्रो, दुई–दुई खेल जितेका बागमती र सुदूरपश्चिम क्रमशः चौथो र पाँचौँ स्थानमा छन्। एक–एक खेल जितेका गण्डकी र मधेस क्रमशः छैटौँ र सातौँ तथा एक खेल पनि नजितेको कर्णाली पुछारमा छ।
प्रकाशित मिति: बिहीबार, पुस १२, २०८० १०:१९
प्रतिक्रिया दिनुहोस्
