काठमाडौं - इस्लामिक स्टेट (आइएस) समूहले मध्य प्रान्त होम्समा गरेको आक्रमणमा शुक्रबार दुई जना सिरियाली सैनिकको मृत्यु भएको स्थानीय शाम एफएम रेडियोले जनाएको छ।
रिपोर्टका अनुसार, सैनिकहरू होम्सको पूर्वी ग्रामीण इलाकामा रहेको ह्वाइट भ्याली बाँध नजिक नियमित गस्ती गर्ने क्रममा आइएसद्वारा गरिएको एम्बुसको शिकार भएका थिए।
मध्य र पूर्वी सिरियाको मरुभूमि क्षेत्रमा आइएस लडाकुहरूले गरेको शृङ्खलाबद्ध घातक हमलाहरूमा यो हमला सबैभन्दा पछिल्लो हो।
आइएस समूहले सिरियाका प्रमुख क्षेत्रहरू गुमाएको छ तर यसका लडाकुहरूले फराकिलो मरुभूमि क्षेत्रलाई छापामार युद्धको विकल्पका रूपमा रोजेका छन्।
प्रकाशित मिति: शनिबार, पुस २१, २०८० ११:२३
प्रतिक्रिया दिनुहोस्
