काठमाडौं- नेपाली कांग्रेसको आज बस्ने भनिएको कार्यसम्पादन समितिको बैठक सरेको छ । आज दिउँसो १ बजेका लागि तय भएको बैठक भोलि (आइतबार) दिउँसो १ बजेका लागि सरेको हो ।
केन्द्रीय कार्यालय सानेपामा बस्ने बैठकमा राष्ट्रिय सभा सदस्यको निर्वाचन र पछिल्लो राजनीतिक घटनाक्रमकाबारेमा छलफल हुने बताइएको छ ।
आगामी ११ माघमा राष्ट्रिय सभा सदस्यको निर्वाचन हुँदैछ । यसका लागि हालसम्म पनि सत्ता गठबन्धनले सिट भागबन्डा गरिसकेको छैन ।
एमालेले भने निर्वाचन हुन लागेका १९ सिटमै उम्मेदवार दिने निर्णय गरिसकेको छ ।
प्रकाशित मिति: शनिबार, पुस २१, २०८० १२:१५
प्रतिक्रिया दिनुहोस्
