काठमाडौँ- नेपाल वायुसेवा निगमको काठमाडौँ–बैंकक उडानका क्रममा रहेको जहाजमा प्राविधिक समस्या देखिएपछि रोकिएका यात्रुहरूलाई आज अर्को जहाजमार्फत बैंकक पठाइने भएको छ ।
सोमबार रोकिएका १५० जना यात्रुलाइ निगमको वाइडबडी ३३०, ९एन–एएलजेट जहाजमार्फत बैंकक पठाइन लागेको नेपाल वायुसेवा निगमले जनाएकाे छ ।
सोमबार दिउँसो काठमाडौँ–बैंककका लागि उड्न लागेको निगमको आरए, ९ए–एकेडब्लू जहाजमा हाइड्रोलिकमा समस्या देखिएपछि ग्राउन्डेड बन्न पुगेको थियो ।
तत्काल जहाजको समस्या समाधान नहुँदा र विकल्पका अर्को जहाजको समेत व्यवस्था नहुँदा १५० जना यात्रु काठमाडौँमा नै रोकिन पुगेका थिए । निगमले उक्त यात्रुहरूलाई होटलमा व्यवस्था गरेको थियो । रोकिएका यात्रुहरूलाई आज अर्को जहाजमार्फत निगमले बैंकक पठाउन लागेको हो ।
प्रकाशित मिति: मंगलबार, पुस २४, २०८० १४:२४
प्रतिक्रिया दिनुहोस्
