काठमाडौँ– सरकारले सुरक्षण मुद्रण केन्द्रका कार्यकारी निर्देशक विकल पौडेललाई बर्खास्त गर्ने निर्णय गरेको छ ।
सञ्चार तथा सूचना प्रविधि मन्त्री तथा सरकारकी प्रवक्ता सञ्चारमन्त्री रेखा शर्माका अनुसार आइतबार बसेको मन्त्रिपरिषद बैठकले निर्देशक पौडेललाई बर्खास्त गर्ने निर्णय गरेको हो ।
पौडेलले अमेरिकी स्थायी आवासीय अनुमति पीआर लिएको देखिएकाले बर्खास्त गरिएको मन्त्री शर्माले जानकारी दिइन् ।
अहिले पौडेल गैरकानुनी सम्पत्ति आर्जनको मुद्दामा अनुसन्धानका लागि विशेष अदालतको आदेशमा अख्तियार दुरुपयोग अनुसन्धान आयोगको हिरासतमा छन् । अख्तियारले उनीविरुद्ध सुरक्षण मुद्रण केन्द्रमा भ्रष्टाचार गरेको आरोपमा मुद्दा चलाइसकेको छ ।
प्रकाशित मिति: आइतबार, फागुन ६, २०८० २०:२४
प्रतिक्रिया दिनुहोस्
