काठमाडौँ– पत्रकार तथा साहित्यकार केशु विरहीको अनुसन्धानात्मक कृति तेह्रथुमको साहित्यिक इतिहासको लोकार्पण भएको छ ।
एपेक नेपालको आयोजनामा, नेपाल प्रज्ञा–प्रतिष्ठान, कमलादीमा आयोजित कार्यक्रममा विरहीको अनुसन्धानात्मक कृति तेह्रथुमको साहित्यिक इतिहासको लोकार्पण गरिएकोे हो ।
लोकार्पण कार्यक्रममा सभापतिमा सस्थाका अध्यक्ष विश्वमोहन श्रेष्ठ रहेका थिए भने प्रमुख अतिथि सहरी विकास मन्त्री सीता गरुङ रहेकी थिइन ।
लोकार्पणपछि कार्यक्रममा बोल्दै मन्त्री गुरुङले साहित्यिक कृति लेख्न जति गार्हो छ त्यो भन्दा धेरै गाह्रो विषय अनुसन्धानात्मक कृति निकाल्न रहेको बताइन् । सबैले जसले जे जानेको छ आआफ्नो ठाउँबाट लागिपरेमा तेह्रथुमको विकासमा ठूलो परिवर्तन आउने उनको भनाई थियो ।
केशु विरहीको यस कृतिले तेह्रथुमलाई विश्वभर चिनाउनमा ठूलो सहयोग रहने भन्दै यो ऐतिहासिक कृतिले अझ ठूलो इतिहास बनाउने मन्त्री गुरुङले बताइन् ।
त्यसैगरी कार्यक्रममा प्राडा.खगेन्द्रप्रसाद लुइटेलले कृतिमा तेह्रथुमको साहित्यिक इतिहासको समेटिएको बताए । उनले इतिहास लेखन कहिल्यै पनि पूर्ण नहुने भन्दै छुटेका इतिहासलाई थप्दै जानूपर्ने बताए । प्राडा. लुइटेलले कृतिमा देखिएका कमीकमजोरीलाई औँल्याइदिन समेत आग्रह गरे ।
त्यस्तै, कार्यक्रममा नारी श्रष्टा समाज नेपालकी अध्यक्ष तथा साहित्यकार ममता मृदुफले लेखकले यस कृतिले तेह्रथुमको साहित्यको मात्र नभएर त्यहाँ बस्ने मानिसको चित्र उतारेको बताइन् । लेखक तथा अन्वेषक भगिराज इङनामले यस कृतिलाई एउटन क्याटलकका रूपमा काम गरेको बताए । पाठकले आफूलाई के मनपर्छ त्यहि यस पुस्तको छानेर पढ्न पाउने उनले बताए ।
कार्यक्रमका सभापति तथा एपेक नेपालका अध्यक्ष विश्वमोहन श्रेष्ठले कृतिको नामले नै धेरै कुरा बोलिसकेकाले यसका बारेमा धेरै कुरा गर्न जरुरी नभएको बताए ।
त्स्तै, लेखक केशु विरहीले भने आफूले यो कृति लेख्नकै डेढ वर्षको पूरै समय खर्चेको बताउदै थालेको काम सफल भएकामा खुसी व्यक्त गरे । पत्रकारसमेत रहेका विरहीले प्रिबुकिङ मार्फत सहयोग गर्नेप्रति आभार व्यक्त गरे ।
