काठमाडौ - जबर्जस्ती करणी मुद्दामा सफाइ पाएका क्रिकेटर सन्दीप लामिछानेले आईसीसी टी–ट्वेन्टी विश्वकप खेल्ने पक्का भएको छ ।
लामिछानेलाई विश्वकप खेल्न अमेरिका पठाउने तयारी भइरहेको नेपाल क्रिकेट संघ क्यानका अध्यक्ष चतुरबहादुर चन्दले जानकारी दिए । उनलाई हस्टनमा हुने दुईवटा अभ्यास म्याचसमेत खेल्ने गरी पठाउन लागिएको चन्दले जानकारी दिए ।
अमेरिका र वेस्ट इन्डिजमा हुने विश्वकप खेल्ने नेपाली टिम भने यसअघि नै अमेरिका पुगिसकेको छ ।
जबर्जस्ती करणी मुद्दामा काठमाडौं जिल्ला अदालतबाट आठ वर्ष कैद र पाँच लाख रुपैयाँ जरिवाना तोकिएका लामिछानेले बुधबार उच्च अदालत पाटनबाट सफाइ पाएका थिए ।
प्रकाशित मिति: शुक्रबार, जेठ ४, २०८१ ०६:२५
प्रतिक्रिया दिनुहोस्
