काठमाडौं– रातभरीको बर्षाका कारण पिचको अवस्था हेर्र्द आईसीसी टी–२० विश्वकप २०२४ मा नेपाल र श्रीलंकाबीचको खेल रद्द गरिएको छ। 

ग्रुप अफ डेथ मानिने समूह डीको यो खेलमा दुवै टोलीलाई अंक बाँडिएको छ। यो नेपालको दोस्रो र श्रीलंकाको तेस्रो खेल हुने थियो। 

योसँगै दुबै टोलीले १–१ अंक बाँडेका छन् । मंगलबार राती देखिनै लगातार भारी वर्षा भएपछि टस पनि हुन नसकी खेल रद्द भएको हो।  

फ्लोरिडा राज्यमा रहेको स्टेडियममा खेल हेर्नका लागि हजारौं नेपाली समर्थक पुगेका थिए भने, विश्वभरका नेपाली खेलको आशमा थिए।