काठमाडौ - आईसीसी टी–२० विश्वकपअन्तर्गत भारत र अमेरिकाको खेल अहिले जारी छ ।
अमेरिकाले दिएको एक सय ११ रनको लक्ष्य पछ्याएको भारतका दुवै ओपनर आउट भएका छन् । कप्तान रोहित शर्मा छ बलमा तीन बनाएर आउट भएका हुन् भने विराट कोहली शुन्य रनमा आउट भए । ताजा अवस्थामा भारतले पाँच ओभरको खेल सकिँदा दुई विकेटको क्षतिमा २६ रन बनाएको छ ।
यसअघि अमेरिकी शहर न्युयोर्कस्थित नासाऊ काउन्टी अन्तरराष्ट्रिय क्रिकेट स्टेडियममा टस हारेर ब्याटिङ गरेको अमेरिकाले निर्धारित २० ओभरमा ८ विकेट गुमाएर ११० रनमात्र बनायो ।
अमेरिकाका लागि नितिश कुमारले सर्वाधिक २७ रन बनाए। स्टिभन टेलर्सले २४ रन तथा कोरी एन्डरसनले १५ रन बनाए ।
प्रकाशित मिति: बुधबार, जेठ ३०, २०८१ २२:५१
प्रतिक्रिया दिनुहोस्
