तनहुँ - जंगली च्याउ खाँदा तनहुँमा पाँच जना बिरामी परेका छन् । आँबुखैरेनी गाउँपालिका–६ हिलेखर्कका ५४ वर्षीय डिलबहादुर गुरुङ र ५७ वर्षीय मधु गुरुङ बिरामी परेका छन् । उनीहरूको नयाँ मेडिकल कलेज भरतपुरमा उपचार भइरहेको छ ।
त्यस्तै, हिलेखर्ककै ९२ वर्षीय रणबहादुर गुरुङ, ८५ वर्षीय द्रोणपति गुरुङ र ५८ वर्षीय पम्फी गुरुङ पनि बिरामी छन् । उनीहरूको आबुखैरेनी अस्पतालमा उपचार भइरहेको तनहुँका डिएसपी दीपककुमार रायले जानकारी दिए ।
प्रकाशित मिति: सोमबार, असार ३, २०८१ १०:२२
प्रतिक्रिया दिनुहोस्
