काठमाडौं– जर्मनीमा जारी युरोकप फुटबलमा आयोजक जर्मनी अन्तिम १६ (प्रि–क्वार्टरफाइनल) मा प्रवेश गरेको छ ।
बुधबार राति भएको समूह ‘ए’ अन्तर्गतको खेलमा हंगेरीलाई २–० गोलले हराउँदै जर्मनी दोस्रो चरणमा उक्लिएको हो ।
जर्मनीका लागि जमाल मुसियाला र इलकाय गुन्डोगानले एक–एक गोल गरेका थिए ।
खेलको २२औँ मिनेटमा मुसियालाले जर्मनीलाई सुरुवाती अग्रता दिएका थिए । यस्तै, ६७औँ मिनेटमा गुन्डोगानले गोल गर्दै टोलीको अग्रतालाई दोब्बर बनाए ।
त्यसपछि दुवैतर्फबाट कुनै गोल नहुँदा आयोजक जर्मनी २–० गोलले विजयी भयो ।
यो जितसँगै जर्मनीको दुई खेलबाट ६ अंकका साथ समूहको शीर्षस्थानमा रहेको छ । पराजित भएको हंगेरी अंकविहीन छ । पहिलो खेलमा जर्मनीले स्कटल्याण्डलाई हराएको थियो भने हंगेरी स्विट्जरल्याण्डसँग पराजित भएको थियो ।
प्रकाशित मिति: बिहीबार, असार ६, २०८१ ०७:५२
प्रतिक्रिया दिनुहोस्
