कोपा अमेरिका : पेरुलाई हराउँदै अर्जेन्टिना समूह विजेता
काठमाडौँ– कोपा अमेरिका फुटबलमा शतप्रतिशत नतिजा निकाल्दै अर्जेन्टिना समूह ‘ए’ को विजेता बनेको छ ।
आज बिहान भएको खेलमा पेरुलाई २–० गोलले पराजित गर्दै अर्जेन्टिनाले समूह चरणमा शतप्रतिशत जित निकालेको हो ।
अर्जेन्टिनाका लागि लाउटारो मार्टिनेजले दुई गोल गरेका थिए । पहिलो हाफ गोलरहित बराबरीमा सकिएको खेलमा दुवै गोल दोस्रो हाफमा भएको थियो ।
मार्टिनेजले खेलको ४७औँ र ८६औँ मिनेटमा गोल गर्दै अर्जेन्टिनालाई जित दिलाएका थिए ।
यसअघि नै क्वार्टरफाइनलमा स्थान पक्का गरिसकेको साविक विजेता अर्जेन्टिना ३ खेलबाट ९ अंकसहित समूह ‘ए’ को विजेता बनेको छ । १ अंक जोडेको पेरु पुछारमा रहँदै प्रतियोगिताबाट बाहिरिएको छ ।
यता ४ अंक भएको क्यानडा समूह उपविजेताको रूपमा क्वार्टरफाइनलमा पुगेको छ ।
प्रकाशित मिति: आइतबार, असार १६, २०८१ ०९:०३
प्रतिक्रिया दिनुहोस्