काठमाडौं– नेकपा एमालेका अध्यक्ष केपी शर्मा ओलीलाई प्रधानमन्त्री प्रस्ताव गर्ने एजेन्डा कांग्रेस पदाधिकारी बैठकमा प्रवेश पाउने भएको छ। 

सभापति शेरबहादुर देउवाले बुढानिलकण्ठमा बोलाएको पदाधिकारी र पूर्वपदाधिकारी बैठकमा यो एजेन्डालाई प्रवेश गराउने भएका हुन्। देउवानिकट उच्च स्रोतका अनुसार अहिलेको सत्ता समीकरण परिवर्तन गरी सरकारमा कांग्रेस–एमाले मात्र रहनेगरीको प्रस्ताव हुनेछ। 

यद्यपि यो विषयमा कांग्रेस र एमालेका अन्य नेताले स्वतन्त्र रुपमा पुष्टि गरेका छैनन्। तर देउवा दम्पत्ती शनिबार बालकोट पुगेपछि केन्द्रीय सत्ता समीकरण नै परिवर्तन हुने सम्भावनाबारे लख काटिएको थियो।