प्रधानमन्त्री प्रचण्डले अर्को शुक्रबार विश्वासको मत लिने पत्र सदनलाई पठाए (पत्रसहित)
काठमाडौं– प्रधानमन्त्री पुष्पकमल दाहाल प्रचण्डले ५ औं पटक विश्वासको मत लिने पत्र प्रतिनिधि सभामा पठाएका छन्।
उनले आउने शुक्रबार अर्थात् असार २८ गते विश्वासको मत लिने जानकारी दिएका छन्।
नेपाली कांग्रेस र नेकपा एमालेको गठबन्धन बनेपछि शुक्रबारदेखि उनी अल्पमतमा छन्। सरकारमा समर्थन गरेको एमाले प्रतिपक्षमा बसेको छ। प्रतिपक्षी कित्तामा उभिएसँगै एमालेले सरकारलाई दिएको समर्थन फिर्ता लिएको जानकारी संसद सचिवालय र प्रतिनिधि सभामा गराएको थियो।
तर कांग्रेस–एमालेले प्रचण्डलाई राजीनामा दिनका लागि सुझाव दिएका थिए।
प्रकाशित मिति: शुक्रबार, असार २१, २०८१ १५:२९
प्रतिक्रिया दिनुहोस्
